د تخنیکي او مسلکي زده کړو ادارې سرپرست د بادغیس د کرنې له انستیتوت څخه لیدنه وکړه
الحاج مولوي غلام حیدر شهامت د تخنیکي او مسلکي زده کړو ادارې سرپرست، باغیس ولایت ته په خپل سفر کې، ددغه ولایت د کرنې د مسلکي انستیتوت وضعیت وڅېړه.
ښاغلي مولوي شهامت په دغه لیدنه کې وویل، د دغه پلاوي د سفر موخه، په ولایتونو کې د تخنیکي او مسلکي زده کړو مرکزونو د چارو لاسمون او ستونزو ته د حل لاره ټاکل شوې ده.
دغه پلاوي د یاد ښوونیز مرکز ټول اسناد وڅېړل او ښاغلي مولوي صاحب شهامت مسؤلینو ته د چارو د سمون په موخه اړینې لارښونې وکړې.
همدا اوس د تخنیکي او مسلکي زده کړو ادارې سرپرست رئیس د دغه ادارې د یو پلاوي په رأس کې د تخنیکي او مسلکي زده کړو مرکزونو د څېړلو لپاره په بادغیس ولایت کې دي، په پلان کې لري چې نور د تخنیکي او مسلکي زده کړو مرکزونه هم وڅېړي.
له دې مخکې هغوی هرات ولایت ته سفر کړی و، او د هرات ولایت د تخنیکي او مسلکي زده کړو ټول مرکزونه یې وڅېړل.
