د تخنیکي او مسلکي زده کړو ادارې د مشرتابه غونډه ترسره شوه
د تخنيکي او مسلکي زده کړو ادارې د مشرتابه غونډه د دغې ادارې سرپرست ښاغلي مولوي غلام حيدر شهامت په مشرۍ ترسره شوه.
یاده غونډه د قرآنکریم د مبارکو آیاتونو په تلاوت سره پیل شوه او په دغې غونډه کې د اجناسو د موجودي په ګډون د ترنم او فرهنګ ریاست د تشکيلاتي جوړښت او نصاب پر څرنګوالي او همدارنګه په بېلابېلو موضوعاتوخبرې وشوې.
په ورته وخت کې ښاغلي مولوي شهامت د رهبرۍ په نننۍ غونډه کې وویل چې کارکوونکي مکلف دي چې خپلې دندې د اصولو او قوانینو مطابق ترسره کړي. هغه ټینګار وکړ چې د کارکوونکو له خوا باید هیڅ ډول ګډوډي ترسره نه شي.
د تخنیکي او مسلکي زده کړو ادارې د رهبرۍ د نننۍ غونډې د موضوعاتو په اړه ګډونوالو خپل نظرونه شریک کړل.
دغه راز د مشرتابه په غونډه کې د تخنیکي او مسلکي زده کړو ادارې اجناسو د موجودي او د ترنم او فرهنګ ریاست د نصاب او تشکیلاتي جوړښت د سمون په موخه یوه کاري کمیټه هم وټاکل شوه.
غونډه د خیر دعا په ویلو سره پای ته ورسیده.
