د تخنیکي او مسلکي زده کړو ادارې د مالي او اداري چارو معاونیت غونډو ترسره شوه
د تخنیکي او مسلکي زده کړو ادارې د مالي او اداري چارو معاونیت غونډه د مالي او اداري مرستیال ښاغلي مفتي فضل الرحمن فاضل په مشرۍ ترسره شوه.
د دغه غونډې په پيل کې د مالي او اداري چارو معاونیت د تېرې غونډې پرېکړې وڅېړل شوې او اړوندو ریاستونو د خپلو کړنو راپور وړاندې کړ.
دغه راز د اجنډا له مخې د تفتیش عالي ادارې په سپارښتنو هم خبرې وشوې او د مالي او اداري چارو مرستیال زیاته کړه، ټولې هغه سپارښتنې چې د تفتیش عالي ادارې له خوا د تخنیکي او مسلکي زده کړو ادارې ته سپارل شوي، باید په بشپړه توګه تعقیب او عملي شي. "
په دغه غونډه کې د اجناسو د ثبت، د استادانو د ګمارنې او د کارکوونکو له خوا د اسنادو پر وخت د طې مراحل کولو په ګډون پر یو شمېر نورو موضوعاتو هم خبرې وشوې او د غونډې ګډونوالو هم خپل نظرونه شریک کړل.
