د تخنیکي او مسلکي زده کړو ادارې د اکاډمیک بورډ اختصاصي غونډه ترسره شوه
د تخنیکي او مسلکي زده کړو ادارې اکاډمیک بورډ د هغو زده کړیالانو په هکله اختصاصي غونډه وکړه چې د ۱۴۰۲ کال د کانکور د پایلو د اعلان په اساس د دغې ادارې تعلیمي مرکزونو ته لاره پیدا کړې.
دغه غونډه د تخنيکي او مسلکي چارو مرستيال مولوي غلام سعيد احساس په مشرۍ او د دغې ادارې د يو شمېر رئيسانو په حضور کې ترسره شوه. د غونډې برخه والو د نویو جذب شویو زده کړیالانو د درسونو د پیل پر څرنګوالي بحث او خبرې وکړې.
د اکاډمیک بورډ ګډون وال د نویو جذب شویو زده کړیالانو لپاره د درسونو د پیل په اړه خپل نظرونه شریک کړل او په دې اړه لازم تصمیمونه ونیول شول.
