د تخنیکي او مسلکي زده کړو ادارې د اکاډمیک بورد ناسته جوړه شوه
د تخنیکي او مسلکي زده کړو ادارې د اکاډمیک بورد ناسته د یادې ادارې د تخنیکي او مسلکي چارو مرستیال ښاغلي مولوي غلام سعید احساس په مشرۍ جوړه شوه.
ددې ناستې په پیل کې د اکاډمیک بورد د تېرې غونډې د پرېکوړو په اړه خبرې شوې او اړوندو څانګو د خپلو کړنو راپورونه وړاندې کړل.
د غونډې په دوام کې د کدري پروسې په بهیر کې د دعوت او ارشاد ریاست د مدرسینو د شاملولو په اړه خبرې وشوې او محترم مولوي احساس مسؤلینو ته دنده وسپارله چې د یاد ریاست تر نظارت لاندې یوه کمیټه جوړه شي. ترڅو په یادې برخه کې لازمي او اصولي اقدامات ترسره شي.
دغه راز په دې غونډه کې د آجندا سره سم د کابل ولایت په ميخانيکي انسټيټوټ کې د نويو څانګو لکه د مبايل، کمپيوټر او طبي وسايلو د ترميم د ایجادولو بر څرنګوالي او د موقت بیرون مرزي اسنادو د ارزونې پر څرنګوالي هم خبرې وشوې. او ګډون کوونکو په دې برخه کې خپل نظریات شریک کړل.
د اکادمیک بورډ په غونډه کې پر یو شمېر اړوندو نورو تخنیکي او مسلکي مسایلو هم خبرې وشوې او همدارنګه په یاد شویو برخو کې لازمي تصمیمونه هم ونیول شول او غونډه د دعایې په ویلو سره پای ته ورسېده.
