د تخنیکي او مسلکي زدهکړو ادارې له لوري د عامه پوهاوي پیغامونو لګول دوام لري
د تخنیکي او مسلکي زدهکړو ادارې د اسلامي ارزښتونو ترویج او ساتنې په موخه د امیرالمؤمنین عاليقدر شیخ حفظهالله یو شمېر پیغامونه او ویناوې د هېواد په بېلابېلو سیمو کې نصب کړې.
دغه پروګرام د تخنیکي او مسلکي زدهکړو ولایتي آمریتونو په همکارۍ پيل شوی او هېوادوال د دغو پیغامونو خپرول او نشر د اصلاح، پوهاوي او اسلامي ارزښتونو ساتنې لپاره ګټور بولي.
په دې لړ کې د پکتیا ولایت د تخنیکي او مسلکي زدهکړو آمریت هم یاد پیغامونه د ښار په مهمو ځایونو کې نصب کړي دي.
تخنیکي او مسلکي زدهکړو ادارې د خپلو اساسي دندو تر څنګ تل هڅه کړې چې په مهمو ټولنیزو او فرهنګي موضوعاتو کې هم اغېزمن رول ولوبوي.
