د تخنیکياو مسلکيزده کړو ادارې سرپرست د استقلال لوړو زده کړو مؤسسې له مسوولینو سره وکتل
د استقلال خصوصي لوړو زده کړو مؤسسې مسوولینو د تخنیکي او مسلکي زده کړو له سرپرست مولوي غلام حیدر شهامت سره وکتل.
په دغه کتنه کې د استقلال خصوصي لوړو زده کړو مؤسسې رئیس حفیظ الله حداد د دغه مؤسسې د فعالیتونو په اړه ښاغلي شهامت ته معلومات ورکړل او د زده کړیالانو د جذب په برخه کې د تخنیکي او مسلکي زده کړو ادارې د همکارۍ غوښتنه وکړه.
ښاغلي حداد دغه راز د تخنیکي او مسلکي زده کړو له ادارې سره د دغه ادارې کارکوونکو او زده کړیالانو ته د تحصیلي فیسونو د تخفیف په برخه کې د همکارۍ هوکړه لیک د لاسلیکولو لپاره چمتووالی اعلان کړ.
د تخنيکي او مسلکي زده کړو ادارې سرپرست د استقلال لوړو زده کړو مؤسسې سره د دغه ادارې د همکارۍ ډاډ ورکړ او ويې ويل: "زموږ د ټولو ګډ هدف د باخبره نسل روزنه ده او دا زموږ لپاره يو رسالت دی."
ښاغلي شهامت زیاته کړه، چې د یاد هوکړه لیک د لاسلیک موضوع باید د تخنیکي او مسلکي زده کړو ادارې د پلان او ستراتیژیکو اړیکو همغږۍ ریاست له لارې هم تعقیب شي.
سرپرست اداره تعلیمات تخنیکی و مسلکی خواستار همکاری مؤسسه تحصیلات عالی استقلال برای برگزاری سمینارهای علمی توسط استادان این مؤسسه به استادان مراکز تعلیمات تخنیکی و مسلکی نیز شد.
د تخنيکي او مسلکي زده کړو ادارې سرپرست د استقلال د لوړو زده کړو مؤسسې د همکارۍ غوښتنه وکړه چې د دغه مؤسسې د استادانو له خوا د تخنيکي او مسلکي زده کړو د مرکزونو استادانو ته علمي سيمينارونه جوړ کړي.
