د تخنيکي او مسلکي زده کړو د ادارې له رئيسانو سره د فرمانونو او حکمونو د څارنې او تعقیب پلاوي لوی ریاست غونډه ترسره شوه
د اسلامي امارت د فرمانونو او حکمونو د څارنې او تعقیب د لوی ریاست پلاوي تعارفي غونډه د تخنیکي او مسلکي زده کړو د ادارې له رئیسانو او آمرینو سره ترسره شوه.
په دغې کتنه کې د ښوونې او روزنې او لوړو زده کړو د فرمانونو د څارنې او تعقیب رئيس عبدالقدیر فيصل د فرمانونو او حکمونو د څارنې او تعقیب د لوی رياست د دندو او مسئوليتونو په هکله خبرې وکړې.
په دغې ناسته کې ښاغلي فیصل د نظام له لویو مصالحو سره سم د ادارو ترمنځ د همکارۍ پر اړتیا ټینګار وکړ.
نوموړي وویل: «اړینه ده چې د امارت د لوی مصالح په پام کې ونیسو او په ګډه همکاري وکړو» .
د تخنیکي او مسلکي زده کړو ادارې رئیسانو او آمرینو هم د څارنې د چارو په اړه خپل نظرونه او پوښتنې وړاندې کړې.
