د تخنيکي او مسلکي زده کړو ادارې مالي او اداري چارو مرستيال د بغلان له مرستيال والي سره وکتل
د تخنيکي او مسلکي زده کړو ادارې مالي او اداري چارو مرستيال مفتي فضل الرحمن فاضل بغلان ولايت ته د خپل سفر په ترڅ کې د یاد ولايت له مرستيال مولوي حمدالله مبارک سره وکتل.
په دې کتنه کې په بغلان ولایت کې د تخنیکي او مسلکي زده کړو د مرکزونو پر ستونزو خبرې وشوې.
د تخنيکي او مسلکي زده کړو ادارې مالي او اداري چارو مرستيال د یاد ولايت د تخنيکي او مسلکي زده کړو د مرکزونو د ځينو ستونزو د هواري په موخه د بغلان د سيمه ييزې ادارې د پاملرنې او همکارۍ غوښتنه وکړه.
