د بلخ ولایت اړوند کرنې او وترنري انسټیټوټ د محصلینو لخوا د عملي روزنو د زده کړې لړۍ
د محصلینو د علمي پوهې د پیاوړتیا او د درسي محتوا په مؤثره توګه پلي کولو لپاره، د بلخ ولایت د کرنې او وترنري انسټیټوټ د وترنري څانګې محصلینو د څارویو د اناتومي په برخه کې عملي بڼه روزنه ترلاسه کړه.
لارښود استاد په دې درسي جلسه کې، محصلینو ته د هاضمې سیسټم، تنفسي سیسټم د اطراحیې سیسټم د ضمیموي اعضأو اناتوميک جوړښت د نیکروپسي «کالبدشکافي» له لارې تشریح کړ.
دغه راز د دې درس په جریان کې، محصلینو په دقت سره په فعالیتونو کې برخه واخیسته او د څارویو داخلي جوړښتونه یې په عیني ډول وکتل.
د دې درسي جلسې موخه د څارویو د بدن داخلي جوړښت په سمه توګه پېژندلو په برخه کې د محصلینو وړتیاوو لوړول او د ځانګړي کاري چاپیریال ته د نوموړو د چمتووالي لپاره د عملي زده کړو زمینه برابرول ویل شوي دي.
د تخنیکي او مسلکي زده کړو اداره د مهارت پر بنسټ د ښوونیزو پروګرامونو پر پلي کولو تأکید کوي او هڅه کوي چې په ټول هیواد کې د علمي-عملي زده کړو لړۍ پراخه کړي.
