د برک مؤسسې د ننګرهار د ځانګړو زده کړو مسلکي لېسې پر زده کوونکو درسي مواد ووېشل
برک مؤسسې د ننګرهار ولایت د پوهنې ریاست په همکارۍ د یاد ولایت د ځانګړو زده کړو مسلکي لېسې زده کوونکو سره د تدریسي موادو مرسته وکړه.
د دغه مؤسسې د مسوولینو د معلوماتو له مخې، څه باندې دوه زره کتابچې چې د یو لړ مراسمو په ترڅ کې دغه ښوونیز مرکز ته وسپارل شوي.
په ورته وخت کې برک مؤسسې په ننګرهار کې د تخنیکي او مسلکي زده کړو له مرکزونو سره د لا زیاتو همکاریو ژمنه هم وکړه.
د تخنیکي او مسلکي زده کړو اداره اوس مهال د هیواد په کچه د ځانګړو زده کړو ۱۶ روزنیز مرکزونه لري، چې ناشنوایان او نابینایان کسان پکې حرفوي زده کړې کوي.
