د تخنیکي او مسلکي زدهکړو ادارې او یونیسف استازو ترمنځ ګډه ناسته ترسره شوه
د تخنیکي او مسلکي زدهکړو ادارې او د ملګرو ملتونو د ماشومانو د ملاتړ صندوق (یونیسف) د استازو ترمنځ ګډه ناسته ترسره شوه.
په دې ناسته کې د تخنیکي او مسلکي زدهکړو ادارې د بهرنیو اړیکو رئیس، انجنیر احمد نبي نایل، د یونیسف سلاکار ډاکټر «ترنس جنتزي» او د څارنې او ارزونې برخې د پوهنې متخصص «نیناد تومیچ» ګډون درلود.
د غونډې په پیل کې د بهرنیو اړیکو رئیس انجنیر احمد نبي نایل د یونیسف پلاوي ته ښه راغلاست ووایه او د تخنیکي او مسلکي زدهکړو ادارې د تشکیلاتي جوړښت، دندې، فعالیتونو، ښوونیزو پروګرامونو، شته ظرفیتونو او کاري لومړیتوبونو په اړه معلومات وړاندې کړل.
وروسته د تخنیکي او مسلکي زدهکړو ادارې معلوماتي پریزنټېشن هم د یونیسف له استازو سره شریک شو، چې پکې د ادارې بېلابېل فعالیتونه او پروګرامونه، د تخنیکي او مسلکي زدهکړو د پراختیا زمینه او کاري لومړیتوبونه تشریح شول.
همدارنګه په دې ناسته کې د ښوونیزو او مسلکي پروګرامونو، شته ظرفیتونو، اړتیاوو او لومړیتوبونو او له نړیوالو همکارو بنسټونو سره د ګډې همکارۍ او همغږۍ پر فرصتونو بحث وشو.
د یونیسف استازو هم د غونډې په ترڅ کې د تخنیکي او مسلکي زدهکړو ادارې د فعالیتونو، پروګرامونو، تشکیلاتي جوړښت او ظرفیتونو په اړه خپلې پوښتنې او موضوعات مطرح کړل، چې د بهرنیو اړیکو رئیس او اړوندو مسئولینو له لوري ورته لازم معلومات او ځوابونه وړاندې شول.
د یونیسف استازو د وړاندې شویو معلوماتو او توضیحاتو څخه مننه وکړه او ویې ویل چې دغې ناستې د تخنیکي او مسلکي زدهکړو ادارې او د هغې د فعالیتونو په اړه د لا روښانه درک او هراړخیزو معلوماتو زمینه برابره کړه.
هغوی همدارنګه د اړیکو او همغږۍ پر دوام ټینګار وکړ او ویې ویل چې د یونیسف د راتلونکو فعالیتونو د طرحې او پلان جوړونې پر مهال به د تخنیکي او مسلکي زدهکړو ادارې شته ظرفیتونه او لومړیتوبونه په پام کې ونیسي.
د غونډې په پای کې دواړو لورو د همغږۍ پر دوام، د معلوماتو پر تبادله، د اړیکو پر پیاوړتیا او د ګډو همکاریو د فرصتونو پر ارزونه ټینګار وکړ.
دا په داسې حال کې ده چې د تخنیکي او مسلکي زدهکړو اداره هڅه کوي د دې ډول ناستو له لارې له نورو بنسټونو سره خپلې همکارۍ لا پیاوړې او پراخې کړي.
