د فراه ولایت مرکز اړوند زراعت او وترنرۍ انسټيټوټ د زده کوونکو د عملي زده کړو بهیر
د فراه ولایت د مرکز اړوند زراعت او وترنرۍ انسټيټوټ د دولسم ټولګۍ زده کوونکو دیاد ولایت د کرنې، اوبولګولو او مالدارۍ ریاست ته د یو علمي سفر په ترڅ کې د « شاتو مُچیو» د پالنې په اړه په عملي بڼه روزنه ورکړل شوه.
لارښود استاد د درس په ترڅ کې نوموړو ته «د شاتو مچیو» په اړه په مفصله توګه توضیحات وړاندې کړل او د زده کوونکو پوښتنو او سوالونو ته یې ځوابونه هم وویل.
د تخنیکي او مسلکي زده کړو په مرکزونو کې د زده کړو لویه برخه عملي ده، څرنګه چې د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار ته جذبیږي.
له همدې امله د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ ته لا پیاوړتیا ور په برخه کړي.
