د تخنیکي او مسلکي زده کړو ادارې د مشرتابه غونډه د ولایتونو له تخنیکي آمرینو سره ترسره شوه
د تخنیکي او مسلکي زده کړو ادارې مشرتابه پلاوي د یادې ادارې د ملکیتونو د ثبت په اړه د ولایتونو له تخنیکي آمرینو سره انلاین ناسته وکړه.
په دې ناسته کې د ولایتونو تخنیکي آمرینو د تخنیکي او مسلکي زده کړو ادارې د ملکیتونو په اړه راپور وړاندې کړ.
د تخنيکي او مسلکي زده کړو ادارې سرپرست مولوي غلام حيدر شهامت وويل: هغه ملکيتونه چې د پوهنې وزارت او د ځمکو خپلواکې ادارې تر منځ د پروتوکول پربنسټ تخنيکي او مسلکي زده کړو ادارې ته سپارل شوي، بايد د یادې ادارې په نوم ثبت شي.
په دې غونډه کې پريکړه وشوه چې د مرکز او ولايتونو تخنيکي آمرین دې د تخنيکي او مسلکي زده کړو ادارې تر واک لاندې ملکيتونو جدول په مشخصه بڼه ترتيب او د تخنيکي او مسلکي زده کړو ادارې ته د ثبت په موخه واستوي.
