د تخنیکي او مسلکي زده کړو ادارې د مشرتابه غونډه ترسره شوه
د تخنيکي او مسلکي زده کړو ادارې د رهبرۍ غونډه د مولوي غلام حيدر شهامت په مشرۍ؛ او د یادې ادارې د مرستيالانو او رييسانو په شتون کې ترسره شوه.
په دې غونډه کې د تخنیکي او مسلکي زده کړو د ادارې په پرمختګ، د تفتیش عالي ادارې د سپارښتنو د بشپړ تطبیق او د دې ادارې د ملکیتونو د وضعیت په اړه خبرې وشوې.
د غونډې په پيل کې د تخنيکي او مسلکي زده کړو ادارې د دفتر رئيس استاد مطيع الله هدايت د یادې ادارې د پرمختګ په اړه پريزنټيشن وړاندې کړ.
د تخنيکي او مسلکي زده کړو ادارې سرپرست مولوي غلام حيدر شهامت د دغه ادارې د پرمختيايي پروګرامونو د ستایلو په ترڅ کې؛ نوموړي د یادې ادارې کړنو په ترسره کولو کې یې تر ټولو ډېر په پيغام رسولو او اعلاناتو ټينګار وکړ.
په دې غونډه کې پریکړه وشه چې د تفتيش عالي ادارې سپارښتنې په بشپړ ډول تطبيق کړي او همدارنګه د تخنيکي او مسلکي زده کړو ادارې د املاکو او پراختيا په اړه لازم تصميمونه ونيول شول.
او همدارنګه تعلیمی او تحصیلی چارو عمومي ریاست ته لارښوونه وشوه چې د تخنیکي او مسلکي زده کړو ادارې د تعلیمي مرکزونو د تخنیکي آمرینو د ظرفیت لوړولو په موخه دې یو پروګرام دایر کړي.
دغه راز په دې غونډه کې د پخوانیو پرېکړو په بشپړ تطبیق او د بودجې د لګولو د ځانګړې کمېټې پر جوړېدو ټینګار وشو او پرېکړه وشوه، چې د تخنیکي او مسلکي زده کړو د ادارې مشرتابه شورا ټولې لارښوونې دې د اړونده مراجعو لخوا په جدي توګه تعقیب او عملي شئ.
