د انرژی او اوبو انسټیټوټ د برښنا څانګې زده کړیالانو علمي سفر ترسره کړ
د کابل د انرژی او اوبو انسټیټوټ د برق څانګې ۵۰ تنه زده کړیالان د نغلو، سروبی او ماهیپر برښنا بندونو ته په یوه علمی سفر ولیږل شول.
د دغه علمي سفر په ترڅ کې دوی د برښنا د تولید بندونو له بېلابېلو برخو څخه لیدنه وکړه چې پکې توربینونه، جنراتورونه، ټرانسفارمرونه، سویچونه او د کنټرول خونه شامله وه او ځینې تجربې یې ترې زده کړې.
په دې عملي سفر کې د سټیشن استادانو او انجینرانو د انرژۍ او اوبو د انسټیټوټ د برښنا څانګې زده کړیالانو ته لارښوونې وکړې.
د انرژۍ او اوبو انسټیټوټ زده کړیالان هر کال د افغانستان برښنا شرکت او د تخنیکي او مسلکي زده کړو ادارې ترمنځ د هوکړه لیک له مخې د هیواد برښنا بندونو ته استول کیږي.
