تخنیکي او مسلکي زده کړو ادارې او د لوړو زده کړو وزارت ترمنځ د همغږۍ غونډه ترسره شوه
تخنیکي او مسلکي زده کړو ادارې او د لوړو زده کړو وزارت ترمنځ د لا همغږۍ او همکارۍ په موخه غونډه ترسره شوه.
په دې کتنه کې د تخنیکي او مسلکي زده کړو ادارې د تخنیکي او مسلکي زده کړو مرکزونو استادانو ارتقا په برخه کې د لوړو زده کړو وزارت د همکارۍ غوښتنه وکړه.
پلاوي دغه راز د تخنیکې او مسلکې زده کړو ادارې استادانو لوړو زده کړو وزارت په څېړنیزو پروګرامونو او عملي سیمینارونو د ګډون غوښتنه وکړه.
د تخنيکي او مسلکي زده کړو ادارې همدارنګه د لوړو زده کړو وزارت څخه وغوښتل چې د وزارت د عملي کادرونو څيړنو په برخه کې د تخنيکي او مسلکي زده کړو ادارې عملي اړتياوې په پام کې ونيسي.
لوړو زده کړو وزارت د تخنیکي او مسلکي زده کړو ادارې غوښتنې او وړاندیزونه واورېدل او د همکارۍ ژمنه یې وکړه.
