دپغمان ولسوالۍ تجارت عالي لېسې او د کرنې انسټیټوټ ستونزې وڅېړل شوی!
د تخنیکي او مسلکي زده کړو ادارې رئیس مولوي غلام حیدر شهامت د کابل په پغمان ولسوالۍ کې د تجارت مسلکي لېسې او د کرنې له انسټیټوټ څخه لیدنه وکړه.
د دې لیدنې موخه د دغو دوو ښوونیزو مرکزونو د ستونزو څېړل وو.
د پغمان د تجارت مسلکې لېسې مشر ضياء الحق ضيا د اوبو او برېښنا نشتوالى، د شنو ځايونو نشتوالى او د درسي موادو کمښت د دې لېسې له عمده ستونزو څخه ياد کړ.
د پغمان د کرنې انسټيټوټ امر محمد طالب هم د دغه انسټیټوټ لپاره د کرنيز فارم د جوړېدو غوښتنه وکړه.
د تخنيکي او مسلکي زده کړو ادارې مشر د يادو ستونزو د حل ژمنه وکړه او ويې ويل، چې په نږدې راتلونکي کې به د کتابونو د وېش لړۍ پيل او د درسی موادو کمښت ستونزه به هواره شي.
