په ګرمو سیمو کې د تخنیکي او مسلکي زدهکړو مرکزونو ازموینې پیل شوې
نن ورځ د هېواد په ګرمو سیمو او ولایتونو کې د تخنیکي او مسلکي زدهکړو مرکزونو ازموینې پیل شوې.
د یادو مرکزونو مسؤلین د ازموینو د شفافیت په اړه ډاډ ورکوي.
په همدې موخه د لغمان ولایت د تخنیکي او مسلکي زدهکړو آمریت د دغه ولایت په کثیرالرشتوي انسټیټیوټ کې د ازموینو پرانیستې مراسم ترسره کړل.
په دې پروګرام کې ویناوالو د تخنیکي او مسلکي زدهکړو پر اهمیت او ارزښت خبرې وکړې.
هغوی وویل چې تخنیکي او مسلکي زدهکړې د هېواد د پرمختګ او ځانبسیاینې لپاره ډېرې مهمې دي او له ځوانانو یې وغوښتل چې د هېواد پرمختګ لپاره هڅې وکړي.
