د کارکوونکو چارو ریاست لخوا لسګونو ستونزو ته رسېدنه
د تخنیکي او مسلکي زدهکړو ادارې د کارکوونکو چارو ریاست د کارکوونکو سره د اړیکو آمریت په تیر کال کې د دې ادارې د کارمندانو لخوا ثبت شوي لسګونو شکایتونو ته رسیدګي کړې.
د تخنیکي او مسلکي زدهکړو ادارې د کارکوونکو چارو ریاست مسؤلین وايي کارکوونکو سره د اړیکو آمریت ته شاوخوا ۷۰ شکایتونه رسېدلي دي، چې له دې جملې څخه د ۶۴ شکایتونو بیاکتنه او نهایي شوي دي.
په ورته وخت کې، د تخنیکي او مسلکي زدهکړو ادارې د کارکوونکو سره د اړیکو آمر زیاتوي چې د کارکوونکو چارو ریاست د هغو کارمندانو ستونزې او ننګونې اورېدلي چې شکایت یې کړی او د اصولو او قوانینو په چوکاټ کې د دغه مشکلاتو د حل کوښښ کړی.
همدارنګه د کارکوونکو چارو ریاست ټینګار کوي او ډاډ ورکوي چې دوی تل هڅه کوي چې هغه شکایتونه او عریضې چې دې څانګې ته رسیږي د تخنیکي او مسلکي زدهکړو ادارې د شکایتونو د حل کمیټې لخوا په شفاف او عادلانه ډول حل شي.
