د تخنیکي او مسلکي زدهکړو ادارې پلاوي د جوزجان ولایت له تعلیمي مرکزونو څخه لیدنه وکړه
د تخنیکي او مسلکي زدهکړو ادارې د تخنیکي او مسلکي چارو مرستیال مولوي غلام سعید احساس په مشرۍ یوه پلاوي د خپلو لیدنو په ترڅ کې د جوزجان ولایت د تخنیکي او مسلکي زدهکړو مرکزونو له وضعیت څخه لیدنه او څېړنه وکړه.
په ورته وخت کې، دوی ددغه ولایت د مرکز له مدیریت او محاسبې انسټیټیوټ، کرنې او وترنرۍ انسټیټیوټ، د آقچې ولسوالۍ د تخنیکي او مسلکي زدهکړو خصوصي انسټیټیوټ او د جوزجان ولایت د تخنیکي او مسلکي زدهکړو آمریت څخه لیدنه وکړه.
یاد پلاوي د تعلیمي مرکزونو ستونزې او ننګونې له نږدې وڅېړلې او ژمنه یې وکړه چې دغو ستونزو په حل کې به پوره همکاري او هڅه کوي.
همدارنګه دغه پلاوي د مرکز له مسؤلينو څخه وغوښتل چې زده کونکو ته د عملي زدهکړو په چمتو کولو کې لا ډېرې هڅې وکړي.
دا په داسې حال کې ده چې یاد پلاوي دمخه په جوزجان ولایت کې د یو شمیر نورو تخنیکي او مسلکي زده کړو مرکزونو له وضعیت څخه هم لیدنه کړې ده.
