د میدان وردګو ولایت جلریز کثیرالرشتوي انسټیټوټ د زده کونکو لخوا د کاربن استحصال
د میدان وردګو ولایت جلریز کثیرالرشتوي انسټیټوټ د لسم ټولګي زده کونکو د یوې درسي جلسې په ترڅ کې د عملي فعالیتونو په ترسره کولو سره د کاربن د استحصالولو طریقه په عملي بڼه زده کړه.
نوموړو په دې درسي جلسې کې د کیمیاوي تعاملاتو او لابراتواري موادو په کارولو سره د کاربن د استحصالولو په اړه په عملي شکل روزنه ترلاسه کړه.
عملي زده کړې له محصلینو سره مرسته کوي چې هغوی له فراغت وروسته په مستقیم ډول د کار بازار کې جذب شي.
له همدې امله، د تخنیکي او مسلکي زده کړو ادارې مشرتابه په دوامداره توګه هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ نوره هم پیاوړې کړي.
