د سرپل ولایت د کرنې او وترنرۍ انسټيټوټ د زده کوونکو له لوري د عملي روزنو زده کړه
د سرپل ولایت کرنې او وترنرۍ مسلکي انسټيټوټ د لسم ټولګي زدهکوونکو د یاد ولایت دویمې ناحیې پارک ته د یو علمي سفر په ترڅ کې د نباتاتو ودې او رغیدو په اړه په عملي بڼه روزنه ترلاسه کړه.
دغه راز لارښود استاد ددې سفر په ترڅ کې زده کوونکو ته د مزورعي نباتاتو د ډولونو لکه چوبي «لرګي مانند» او علفي « واښه مانند » نباتاتو په اړه مفصل توضیحات ورکړل او د نوموړو پوښتنو ته یې ځوابونه هم وویل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو د مرکزونو فارغان په مستقیم ډول د کار په بازار کې جذبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
