د سرپل ولایت د تخنیکي او مسلکي زده کړو آمریت لخوا د سیرت النبی ﷺ آزموینه اخیستل شوه
په سرپل ولایت کې د تخنیکي او مسلکي زده کړو ادارې مسؤلین وایي چې د یاد ولایت د تخنیکي او مسلکي زده کړو مرکزونو د محصلینو، متعلمینو او کامندانو ترمنځ یې د سیرت النبي ﷺ سیالۍ ترسره کړه.
دغه ازموینه د سرپل ولایت د مقام دفتر رئیس په شمول د یو شمیر سیمه ایزو مسؤلینو په شتون کې ترسره شوه.
د سرپل تخنیکي او مسلکی زده کړو آمریت د دې آزموینې د ترسره کیدو موخه د اسلام ستر پیغمبر صلی الله علیه وسلم د سیرت په اړه د ځوان نسل د پوهاوي کچې لوړول ویلې دي.
د یادونې وړ ده چې د سرپل ولایت د بیلابیلو ولسوالیو څخه د تخنیکي او مسلکي زده کړو مرکزونو له ۴۰۰ تنو څخه زیاتو زده کونکو او کارمندانو په یادې آزموینه کې برخه اخیستې وه.
د مسؤلینو په وینا، د سیالۍ غوره ګډونوالو ته جایزې او ډالۍ هم په پام کې نیول شوي دي.
