د تخنیکي او مسلکي زده کړو د شمال ختیځ زون ریاست له پنځو خصوصي بنسټونو سره هوکړهلیک لاسلیک کړ
د هیواد په شمال ختیځ زون کې د تخنیکي او مسلکي زده کړو ادارې مسؤلین وايي چې په کندز ولایت کې یې د پنځو خصوصي بنسټونو سره د ګډو همکاریو هوکړهلیکونه لاسلیک کړي.
د دې هوکړهلیکونو د لاسلیک کیدو په غونډه کې د تخنیکي او مسلکي زده کړو ادارې اړوند د شمال ختیځ زون رئیس ترڅنګ د څیړنې او نوښت رئیس هم ګډون درلود.
د یادونې وړ ده چې دا هوکړهلیکونه په کندز ولایت کې د زده کوونکو لپاره د غوره ښوونیزو فرصتونو رامینځته کولو او د تخنیکي او مسلکي زده کړو استادانو، زده کونکو او کارمندانو څخه د ملاتړ په موخه لاسلیک شوي.
په ورته وخت کې، په دې هوکړهلیکونو کې ښکیلو خواوو د تفاهملیکونو د مواد پر پلي کولو ټینګار وکړ.
دا په داسې حال کې ده چې د تخنیکي او مسلکي زده کړو ادارې رهبرۍ تل د زده کونکو لپاره د غوره تعلیمي او روزنیزو فرصتونو په برابرولو ټینګار کوي.
