د میدان وردګو ولایت د تخنیکي او مسلکي زده کړو مرکزونو استادانو او تدریسي مدیرانو ته د ظرفیت لوړولو سیمینار ترسره شو
د میدان وردګو ولایت د تخنیکي او مسلکي زده کړو آمریت ددې ولایت د مقام دفتر سره په همغږۍ د تخنیکي او مسلکي زده کړو مرکزونو استادانو او تدریسي مدیرانو لپاره د ظرفیت لوړولو سیمینار جوړ کړ.
په دې سیمینار کې د میدان وردګو ولایت د تخنیکي او مسلکي زده کړو مرکزونو ۳۲ تنه استادانو او تدریسي مدیرانو ګډون درلود، چې په ترڅ کې یې نوموړو ته د ټولګي مدیریت، د تدریس میتودونو او د ازموینو د درجه بندۍ په اړه زده کړه ورکړل شوه.
د میدان وردګو ولایت د تخنیکي او مسلکي زده کړو آمریت مسولینو په وینا؛ د دې روزنیز سیمینار د ترسره کېدو موخه د استادانو او تدریسي مدیرانو د پوهې کچه لوړول او همدارنګه په یاد آمریت کې د کاري چارو پرمختګ ویل شوی.
دا په داسې حال کې ده چې د تخنیکي او مسلکي زده کړو ادارې رهبري په دوامداره توګه هڅه کوي چې د ظرفیت لوړولو سیمینارونو او ورکشاپونو په جوړولو سره د یادې ادارې د کارمندانو د پوهې او پوهاوي کچه لوړه کړي.
