د «حصه اول کوهستان» کرنې او وترنرۍ مسلکي انسټيټوټ لپاره د تجهیزاتو چمتو کول
د کاپیسا ولایت اړوند د «حصه اول کوهستان» کرنې او وترنرۍ مسلکي انسټيټوټ، په دې ښوونیز مرکز کې د شنې ساحې د ساتنې په موخه یوشمیر تجهیزات ترلاسه کړل.
د یادونې وړ ده چې دا تجهیزات د کاپیسا ښاروالۍ ریاست لخوا د شنه چاپیریال د ساتنې په پار ياد ښوونیز مرکز ته ورکړل شوي دي.
دغه راز د «حصه اول کوهستان» کرنې او وترنرۍ مسلکي انسټيټوټ مسؤلینو هم د دې همکارۍ څخه قدرداني څرګنده کړه او ټینګار یې وکړ چې دا مرستې د ښوونیز چاپيریال په سمسورتیا او د شنې ساحې په جوړولو کې خورا مهم رول لري.
په ورته وخت کې د کاپیسا د ښاروالۍ چارواکي هم د یاد ولایت د تخنیکي او مسلکي زده کړو له مرکزونو سره د لا زیاتو همکاریو ډاډ ورکوي.
