د مالي او اداري چارو مرستیال د بغلان ولایت له مقاماتو سره وکتل
د تخنیکي او مسلکي زده کړو ادارې د مالي او اداري چارو مرستیال ښاغلي مفتي فضل الرحمن فاضل په مشرۍ یوه پلاوي د خپل د سفر په دوام کې بغلان ولایت ته سفر وکړ.
د دې سفر په ترڅ کې، نوموړي پلاوي د بغلان ولایت له مقام سره وکتل او په دې کتنه کې یې د زون په سطحه د تخنيکي اومسلکي زده کړو رياست د فعاليدو پرڅرنګوالي بحث وکړ.
په ورته وخت کې، دغه پلاوي بغلان ولایت ته د خپل سفر په ترڅ کې دیاد ولایت د یو شمیر تخنیکي او مسلکي زده کړو مرکزونو له وضعیت څخه څارنه وکړه او محترم مفتي فاضل د هغوی د ستونزو او ننګونو په برخه کې د رسیدګۍ او همکارۍ ژمنه هم وکړه.
دا په داسې حال کې ده چې د مالي او اداري چارو مرستیال تر دې وړاندې بدخشان او تخار ولایتونو ته سفر کړی او په یاد شویو ولایتونو کې یې د تخنیکي او مسلکي زده کړو مرکزونو له وضعیت څخه څارنه هم ترسره کړې ده.
