د خوست ولایت په میخانیکي انسټیټوټ کې د استاد شاګردۍ پروګرام د زده کوونکو د عملي زده کړو بهیر
د روزنیزو دورو په ترڅ کې د عملي روزنو زده کړه له زده کوونکو سره د کار رغونې او د کار په بازار کې د کاري فرصتونو په ترلاسه کولو کې مرسته کوي.
د دې روزنو اهمیت ته په پام سره، د خوست ولایت اړوند میخانیکي انسټیټوټ د استاد شاګردۍ پروګرام لسم ټولګي زده کوونکو د عملي زده کړو لپاره د یاد ښوونیز مرکز د عملي کارونو ورکشاپ ته ولاړل او د برق په اړه یې په عملي بڼه روزنه ترلاسه کړه.
نوموړو د عملي زده کړو په جریان کې د عملي کارونو په ترسره کولو سره خپله پوهه زیاته کړه او خپلې پوښتنې او سوالونه یې هم له لارښود استاد سره شریکې کړې.
د یادونې وړ ده چې استاد شاګردۍ پروګرام د تخنیکي او مسلکي زده کړو ادارې یو له مهمو او کاربردي پروګرامونو څخه دی، چې ټول دروسونه یې په عملي او نظري بڼه د منظم مهال ویش پر مټ وړاندې کیږي.
په ورته وخت کې، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو پروسه پیاوړې کړي.
