د کوه بند کرنې مسلکی انسټیټوټ زده کوونکو ته د شاتو مچیو د پالنې په اړه د عملي زده کړو بهیر
د کاپیسا ولایت د کوه بند کرنې مسلکي انسټیټوټ زده کوونکو ته په دغه ولایت کې د شاتو مچیو له یوه فارم څخه د علمي سفر په ترڅ کې د شاتو مچیو د روزلو په اړه په عملي ډول روزنه ورکړل شوه.
لارښود استاد زده کوونکو ته د د شاتو د مچیو د کندو ضد عفوني کولو او د صندقونو بدلولو په اړه هر اړخیز معلومات هم وړاندې کړل.
د تخنیکي او مسلکي زده کړو په مرکزونو کې ډیری زده کړې عملي دي. تر څو د دغو مرکزونو فارغان په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
