د مولوي غلام حیدر شهامت او سهیل شاهین ترمنځ لیدنه او خبرې اترې
د تخنیکي او مسلکي زده کړو ادارې سرپرست الحاج مولوي غلام حیدر شهامت د قطر په دوحه کې د افغانستان اسلامي امارت د سیاسي دفتر له رئیس ښاغلي سهیل شاهین سره، په خپل کاري دفتر کې وکتل او خبرې اترې یې وکړې.
دواړو خواوو په دې ناسته کې د تخنیکي او مسلکي زده کړو ادارې د لاسته راوړنو او پروګرامونو څخه د ملاتړ په ګډون پر بیلابیلو موضوعاتو بحث وکړ.
ښاغلي الحاج مولوي شهامت په یادې ناسته کې د تخنیکي او مسلکي زده کړو ادارې د پروګرامونو او لاسته راوړنو په اړه توضیحات وړاندې کړل.
نوموړي ټینګار وکړ چې د بې وزلۍ له مینځه وړل او د کار بازار لپاره د ماهر کاري ځواک روزنه د دې ادارې له بنسټیزو اهدافو څخه دي.
د جلسې په دوام کې، ښاغلي شاهین د تخنیکي او مسلکي زده کړو ادارې د لاسته راوړنو څخه د قدردانۍ ترڅنګ، د یادې ادارې پر لا زیات ملاتړ ټینګار وکړ.
ښاغلي سهیل شاهین په خپله وینا کې زیاته کړه چې د تخنیکي او مسلکي زده کړو اداره د اقتصادي ودې او د بې وزلۍ د کمولو په برخه کې مهم رول لوبوي او باید په بشپړ ډول ور څخه ملاتړ وشي.
د دې کتنې په پای کې، دواړو خواوو د تخنیکي او مسلکي زده کړو ادارې څخه پر لا زیاتې پاملرنې او ملاتړ ټینګار وکړ.
