په هرات ولایت کې شپږ میاشتني لنډ مهاله حرفوي روزنیز پروګرام پای ته ورسید
په هرات ولایت کې شپږ میاشتنی لنډ مهاله روزنیز پروګرام چې د پاملرنې موسسې په همکارۍ د ۴۰۰ نارینه او ښځینه وو لپاره پیل شوی و، پای ته ورسید.
د یاد ښوونیز پروګرام ګډونوالو د تخنیکي او مسلکي زده کړو ادارې څخه د مننې ترڅنګ د دغه پروګرام د بیا په لاره اچولو او دوام غوښتنه هم وکړه.
د يادونې وړ ده، چې يادو محصلينو د خیاطۍ، لاسي صنايعو، موبايل ترميم، د بريښنايي وسايلو ترميم او د برقي وسايلو د ترميم له څانګو څخه د فراغت سندونه ترلاسه کړي او د پاملرنې موسسې له خوا نوموړو ته وسايل او تجهیزات هم ورکړل شول.
لنډ مهاله حرفوي پروګرامونه د تخنيکي او مسلکي زده کړو ادارې له بنسټیزو پروګرامونو څخه دي، چې تر اوسه يې په سلګونو کسان له دغو پروګرامونو څخه فارغ شوي او د کار په بازار کې پر دندو بوخت دي.
