د تخار ولایت د ځانګړو زده کړو لېسې د لنډ مهاله حرفوي کورسونو له تدریسي بهیر څخه لیدنه وشوه
د تخار ولایت د تخنیکي او مسلکي زده کړو آمریت مسوولینو د یاد ولایت اړوند د ځانګړو زده کړو لیسې د لنډ مهاله حرفوي کورسونو له تدریسي بهیر څخه لیدنه وکړه.
په دې ليدنه کې د موبايل ترمیم لنډ مهاله حرفوي پروګرام د تدريسي لارو چارو څخه څارنه وشوه او د چارو د ښه والي په برخه کې کارکوونکو ته لازمې مشورې هم ورکړل شوې.
د يادونې وړ ده، چې لنډ مهاله حرفوي پروګرامونه د تخنيکي او مسلکي زده کړو ادارې له بنسټيزو پروګرامونو څخه ګڼل کېږي، چې د دغو پروګرامونو پر بنسټ سلګونه کسان د کار په بازار کې پر دندو بوخت دي.
