د تخنیکي او مسلکي زده کړو ادارې د اکاډمیک بورد ناسته جوړه شوه
د تخنیکي او مسلکي زده کړو ادارې د اکاډمیک بورد ناسته د یادې ادارې د تخنیکي او مسلکي چارو مرستیال ښاغلي مولوي غلام سعید احساس په مشرۍ جوړه شوه.
ددې ناستې په پیل کې د اکاډمیک بورد د تېرې غونډې د پرېکوړو په اړه خبرې شوې او اړوندو څانګو د خپلو کړنو راپورونه وړاندې کړل.
د غونډې په دوام کې د آجندا سره سم د کابل ولایت په ميخانيکي انسټيټوټ کې د نويو څانګو لکه د مبايل، کمپيوټر او طبي وسايلو د ترميم د ایجادولو بر څرنګوالي او د تخنيکي او مسلکي زده کړو مرکزونو د استادانو د حق الزحمې د تطبيق پر څرنګوالي خبرې وشوې. او ګډون کوونکو په دې برخه کې خپل نظریات شریک کړل.
د اکادمیک بورډ په غونډه کې پر یو شمېر اړوندو نورو تخنیکي او مسلکي مسایلو هم خبرې وشوې او غونډه د دعایې په ویلو سره پای ته ورسېده.
