د تخنيکي او مسلکي زده کړو سرپرست، کاپيسا ولايت ته سفر وکړ
د تخنيکي او مسلکي زده کړو سرپرست الحاج مولوي غلام حيدر شهامت دیادې ادارې د پلاوي په مشرۍ کاپيسا ولايت ته سفر وکړ.
کاپیسا ولایت ته د نوموړي د سفر موخه په دغه ولایت کې د تخنیکي زده کړو د مرکزونو د وضعیت کتل دي.
ښاغلي مولوي شهامت کاپیسا ته د خپل سفر په ترڅ کې د یاد ولایت د تخنیکي او مسلکي زده کړو د مرکزونو له مسوولینو سره وکتل. نوموړي د چارو د لا ښه والي په موخه مسوولینو ته لازمې هدایات هم ورکړل.
دغه راز د تخنيکي او مسلکي زده کړو سرپرست د کاپيسا ولايت د تخنيکي او مسلکي زده کړو د مرکزونو له محصلینو او زده کوونکو سره وکتل او د هغوى ستونزې او وړانديزونه يې واورېدل.
الحاج مولوي شهامت تل هڅه کوي چې د تخنیکي مرکزونو ستونزې په حضوري ډول له نږدې حل کړي. له همدې امله هغه وخت په وخت ولایتونو ته سفرونه کوي تر څو د ولایتونو د تخنیکي مرکزونو د ستونزو د حل او د یادو مرکزونو اړتیاوې په ګوته کړي.
