د پلان او ستراتیژیکو همغږیو د رئیس ناسته د کارا موسسې سره ترسره شوه
د تخنیکي او مسلکي زده کړو ادارې د پلان او ستراتیژیکو همغږیو رئیس محترم مولوي نیک محمد نیکمل د کارا موسسې له مسؤلینو سره وکتل.
د دې ناستې محور، د دواړو بنسټونو ترمنځ د ګډو همکاريو پر څرنګوالي خبرې وشوې.
په دې ناسته کې د کارا موسسې اجراییوي رئیس ښاغلي مرشد شمسي د یادې موسسې د موخو او پروګرامونو په اړه توضیحات ورکړل او ویې ویل چې دوی په افغانستان کې د حرفوي زده کړو په برخو کې فعالیت کوي.
په همدې حال کې د پلان او ستراتیژیکو همغږیو رئيس د تخنيکي او مسلکي زده کړو ادارې په اړه هم خبرې وکړې او ويې ويل، چې دغه اداره د مسلکي پروګرامونو په ګډون په بېلابېلو برخو کې ښې لاسته راوړنې لري.
په دې ناسته کې دواړو خواو پرېکړه وکړه چې د تفاهملیک پر بنسټ به د دواړو بنسټونو ترمنځ د حرفوي پروګرامونو په برخه کې همکاري پیل کړي.
