د میربچه کوټ د کرنې په مسلکي لېسه کې د خیاطۍ حرفې له برخې څخه د فارغینو لپاره فراغت غونډه جوړه شوه
د کابل ولایت، میربچه کوټ ولسوالۍ، د کرنې په مسلکي لېسه کې د خیاطۍ له حرفوي کورس څخه ۷۸ تنه فارغینو ته د فراغت مراسم جوړ شول.
په دغه مراسمو کې د حرفوي پروګرامونو د تنظیم ریاست مسؤلین او همدارنګه د میربچه کوټ ولسوالۍ چارواکو ګډون کړی و.
ویناکوونکو د تخنیکي او مسلکي زده کړو ادارې، د حرفوي کورسونودغه پروګرام د تشبث لپاره مهم وباله او د دغه پروګرامونو په دوام یې ټینګار وکړ.
دغه مراسم فارغینو ته د تصدیق نامې په ورکولو او افغانستان ته د خیر په دعا سره پای ته ورسېدل.
