د تخنیکي او مسلکي زده کړو ادارې پلاوي د کندهار میخانیکي انسټیټوټ وضعیت وڅېړه
د تخنیکي او مسلکي زده کړو ادارې پلاوي د تخنیکي او مسلکي زده کړو مرکزونو د وضعیت څېړلو په لړ کې د کندهار ولایت میخانیکي انسټیټوټ وضعیت بررسي کړ.
نوموړي پلاوي د کندهار ولایت میخانیکي انسټیټوټ له استادانو او محصلینو سره د هغوی د اړتیاوو او ستونزو په اړه مخامخ خبرې وکړې او د دغه ښوونیز مرکز اسناد یې هم وڅېړل.
دغه راز د تخنيکي او مسلکي زده کړو اداري پلاوي د دغه ښوونيز مرکز له عملي کارونو او ورکشاپونو څخه ليدنه وکړه.
دا مهال د تخنیکي او مسلکي زده کړو ادارې پلاوی د دغې ادارې د تخنیکي او مسلکي چارو مرستیال ښاغلي مولوي غلام سعید احساس په مشري کندهار ولایت کې دي.
د دغه سفر موخه په ولایتونو کې د تخنیکي او مسلکي زده کړو مرکزونو د وضعیت څېړل او د ستونزو څرنګوالي معلومول دي.
