د تخنیکي او مسلکي چارو مرستیال د زابل شاه جوی ولسوالۍ د کرنې مسلکي لېسې وضعیت بررسي کړ
د تخنیکي او مسلکي زده کړو ادارې پلاوي د دغې ادارې د تخنيکي او مسلکي چارو مرستيال مولوي غلام سعيد احساس په مشرۍ د شاجوى ولسوالۍ د کرنې مسلکي لېسې تعلیمي وضعیت بررسي کړ.
دوی د دغه ښوونیز مرکز ټول تعلیمي او مالي اسناد وڅېړل.
د تخنيکي او مسلکي زده کړو ادارې پلاوي د تخنيکي او مسلکي زده کړو د مرکزونو د اړتياوو او ستونزو د حل په موخه ولايتونو ته سفر کړى دى.
نوموړي پلاوي تر دې مخکې په یو شمېر ولایتونو کې د تخنیکي او مسلکي زده کړو د مرکزونو وضعیت څېړلی دی.
