د تخنیکي او مسلکي زده کړو ادارې له یونسکو سره د دغې ادارې د ننګونو د حل په اړه ناسته ترسره شوه
د تخنیکي او مسلکي زده کړو ادارې د پلان او ستراتیژیکي همغږۍ رئیس مولوي نیک محمد نیکمل په افغانستان کې د یونسکو د ښوونې او روزنې د برخې له مسؤلې مېرمن "لیزي رشویا" سره خبرې وکړې.
رشویا په دغه لیدنه کې وویل، چې زموږ موخه د هېواد د پوهنې سکټور ( لوړو زده کړو وزارت، پوهنې وزارت او د تخنیکي او مسلکي زده کړو ادارې) د غړو ترمنځ د همغږۍ او پیاوړتیا رامنځته کول دي.
په دغه کتنه کې له دغې ادارې سره د کارکوونکو د ظرفیت د لوړولو او د ډونرو د جلبولو په اړه هم خبرې وشوې.
