د تخنیکي او مسلکي زده کړو ادارې اونیزه اصلاحي غونډه ترسره شوه
د تخنیکي او مسلکي زده کړو ادارې اونیزه اصلاحي غونډه د دغې ادارې د کارکوونکو په حضور او د دغې ادارې د خدماتو او املاکو د رئیس مفتي سید محسن سادات په وینا ترسره شوه.
نوموړي په خپلو خبرو کې د وخت پر ارزښت او مدیریت خبرې وکړې.
ښاغلي سادات وویل چې الله جل جلاله په بېلابېلو آیتونو کې الله تعالی پر وخت قسم یاد کړی ترڅو خپل بندګان د وخت په اهمیت پوه کړي.
هغه زياته کړه چې په تاريخ کې د ټولو برياليو کسانو د برياليتوب راز د وخت څخه سمه استفاده وه.
د خدماتو او املاکو رئیس د وخت پر ضایع کولو او د هغه مدیریت کولو څرنګوالي په هکله خبرې وکړی.
هغه د موخې درلودل، په دقیقه بڼه پلان جوړونه، ورځنی مهال ویش، کارونه نیمګړې نه پریښودل، له فارغ وخت څخه ښه استفاده او د غیر ضروري شیانو له منځه وړل د وخت د سم مدیریت له عواملو څخه وبلل.
دغه غونډه د خیر دعا په ویلو سره پای ته ورسیده.
