د تخنیکي او مسلکي زده کړو ادارې د ریل پټلۍ ادارې په همکارۍ د ریل پټلۍ انسټیټوټ جوړوي
د تخنیکي او مسلکي زده کړو ادارې د تخنیکي او مسلکي چارو مرستیال مولوي غلام سعید احساس د اوسپنې پټلۍ ادارې له رئیس ملا بخت الرحمن شرافت سره وکتل.
په دې کتنه کې د ریل پټلۍ د انسټیټیوټ پر جوړولو خبرې وشوې.
په دې کتنه کې دواړو لورو موافقه وکړه چې د رېل پټلۍ د انسټیټوټ د جوړولو او د یاد انسټيټوټ لپاره روزنیز نصاب چمتو کولو په خاطر یو کیټه جوړه شی.
د تخنيکي او مسلکي چارو مرستيال د رېل پټلۍ له رئيس سره په خبرو کې د تخنيکي او مسلکي زده کړو د مرکزونو فارغانو د جذب په موخه د یادې ادارې د همکارۍ غوښتنه وکړه. ښاغلي شرافت په دې برخه کې د پوره همکارۍ ژمنه وکړه.
