په پکتیا ولایت کې ۵۰۰ مجاهدین د تخنیکي او مسلکي زده کړو ادارې له ادارې او مدیریت روزنیز پروګرام څخه فارغ شول
په پکتیا ولایت کې د تخنیکي او مسلکی زده کړو ادارې مسؤلین وایي چې د یاد ولایت د څه باندې ۵۰۰ تنه مجاهدینو د فراغت په پار یې فراغت غونډه ترسره کړې ده.
د مسؤلینو په وینا، دغه مجاهدین د ادارې او مدیریت څانګې په برخه کې د لیسې او انسټیټوټ روزنیزو دورو له بشپړولو وروسته د فراغت اسناد ترلاسه کړي دي.
په همدې مناسبت جوړ شوي مراسمو کې د پکتیا ولایت مرستیال والي او د یاد ولایت یو شمیر سیمه ییزو چارواکو هم ګډون درلود.
په ورته وخت کې، په دې مراسمو کې ویناوالو مجاهدینو ته د تحصلیي فرصتونو په برابرولو کې د تخنیکي او مسلکي زده کړو ادارې د رهبرۍ هڅې وستایلې.
نوموړو دغهراز له فارغانو څخه هم وغوښتل چې په قوي ارادې او پوره اخلاص سره د خلکو د خدمت په برخه کې له خپلو زده کړو څخه کارواخلي.
دا په داسې حال کې ده چې تر دې مهاله زرګونه کسانو د تخنیکي او مسلکي زده کړو مرکزونو د اداره او مدیریت روزنیز پروګرام څخه د فراغت سندونه ترلاسه کړي دي.
