په پکتیا ولایت کې دمجاهدینو د تعلیمی سویې د تثبیت آزموینه واخیستل شوه
د پکتیا ولایت د تخنیکي او مسلکي زده کړو آمریت چارواکي په دغه ولایت کې د مجاهدینو د تعلیمي سویې د تثبیت په موخه د آزموینې د اخیستلو خبر ورکوي.
د دوی په خبره، په دې پروګرام کې شاوخوا ۳۸۰ تنو ګډون کړی او ټاکل شوي چې د تعلیمي سویې د تثبیت وروسته به د پکتیا ولایت د تخنیکي او مسلکي زده کړو په مرکزونو کې د اداري او مدیریت په برخه کې زده کړې وکړي.
په ورته وخت کې چارواکي د دې ازموینې په ترسره کېدو کې د شفافیت ډاډ ورکوي.
دا پروګرام په داسې حال کې په پکتیا ولایت کې پیل شو چې د تخنیکي او مسلکي زده کړو په ګڼو مرکزونو کې د مجاهدینو لپاره د ادارې او مدیریت د روزنې لړۍ دوام لري.
