په هلمند ولایت کې د افغانستان ا.ا مجاهدينو لپاره نهه مياشتنى روزنيز دوره پيل شوه
د هلمند ولایت تخنیکي او مسلکي زده کړو امریت له خوا نهه میاشتنی روزنیزه دوره د افغانستان ا.ا مجاهدینو لپاره پیل شو.
د دغه پروګرام مسوول عصمت الله احمدي وايي، چې په دغه روزنیز بهیر کې ۵۴۰ مجاهدین نوم لیکنه کړی دي.
د هغه په وينا، دغه کسان به د ۹ مياشتو لپاره د ادارې او مديريت مهارتونه، انګليسي ژبه او کمپيوټر زده کړي.
هغه مجاهدین چې په دې بهیر کې یې نوم لیکنه کړې، د دې پروګرام هرکلی کوي او غواړي چې په ټولو ولایتونو کې یې پراخ کړي.
د تخنیکي او مسلکي زده کړو اداره هم هڅه کوي چې په ټولو ولایتونو کې د افغانستان ا.ا مجاهدینو د ظرفیت لوړونې پروګرامونه جوړ کړي.
