په لغمان کې د تخنیکي او مسلکي زده کړو د مرکزونو له 65 ښوونکو سره نغدي مرسته وشوه
د ملګرو ملتونو د ماشومانو وجهي صندوق (یونیسف) په لغمان ولایت کې د تخنیکي او مسلکي زده کړو د مرکزونو له 65 تنه ښوونکو سره نغدي مرسته وکړه.
د هر ښوونکي لپاره دوه سوه امریکايي ډالر چې 18 زره افغانۍ کېږي مرسته شوې ده.
د يادونې وړ ده، چې دغه پيسې استادانو ته د مرستې په توګه وېشل شوې وې، نه د هغوي د مياشتني معاش په بدل کې.
په یو شمېر نورو ولایتونو کې هم یونیسف د مسلکي انسټیټونو او ښوونځیو له استادانو سره مرسته کړې ده.
