په قوش تپې کې د کرنې مسلکي لېسې ایجادول
د تخنيکي او مسلکي زده کړو اداره د جوزجان ولايت په قوش تپې ولسوالۍ کې د کرنې مسلکي لېسه جوړوي.
دغه لېسه د فوش تپې کانال په شاوخوا کې جوړیږي. د قوش تپې کانال د جوړولو چارو په نهايي کېدو سره به د کرنې په برخه کې زده کوونکو ته د عملي زده کړو زمینه برابره شي.
دا لېسه په داسې حال کې جوړېږي، چې د کار پروژې مسوولینو په وینا د قوش تپې کانال د جوړېدو چارې په چټکۍ سره روانې دي.
د قوش تپې کانال یو له مهمو ملي برنامو څخه دی چې د یاد کانال په بشپړیدو سره به یې شاوخوا زرګونه جریبه کرنیزه ځمکه خړوبه شي.
د قوش تپې کانال کرنيز ارزښت ته په کتو، د دغه ملي کانال نهايي کېدل به د بېوزلۍ په له منځه وړلو او د هېواد د اقتصاد په لوړولو کې هم مرسته وکړي.
