په فراه کې د تخنیکي او مسلکي زده کړو مرکزونو مدیرانو او آمرینو ته د ظرفیت لوړولو سیمینار ترسره شو
په فراه ولایت کې د تخنیکي او مسلکي زده کړو ادارې مسؤلینو د یاد ولایت په ښوونیزو مرکزونو کې د چارو ښه کیدو په موخه د تخنیکي او مسلکي زده کړو مرکزونو تدریسي مدیرانو او آمرینو ته د ظرفیت لوړولو سیمینار ترسره کړ.
د دې روزنیز پروګرام ګډونوالو ته د تخنیکي او مسلکي زده کړو ادارې او اداري اصلاحاتو ادارې اړوند ترینرانو لخوا د کاري پلان چمتو کولو د څرنګوالي، راپور ورکولو او ارزونې په اړه روزنه ورکړل شي.
په ورته وخت کې، د سیمینار ګډونوالو د دې ښوونیز پروګرام له ترسره کیدو څخه خوښي څرګند کړه او زیاته یې کړه چې دا ډول پروګرامونه د ظرفیت لوړولو او اداري چارو ښه کولو په برخه کې خورا اغیزمن دي.
