په سرپل کې د تخنیکي او مسلکي زده کړو د مرکزونو د زده کوونکو او زده کړیالانو د نوښتونو نندارتون ترسره شو
د سرپل ولایت د تخنیکي او مسلکي زده کړو آمریت د ازبکي ژبې د ملي ورځې د نمانځلو په موخه د یاد ولایت د مسلکي انسټیټونو او لیسو د زده کوونکو او زده کړیالانو د عملي زده کړو نندارتون هم ترسره کړ.
په دې نندارتون کې د زده کړیالانو نوښتونه نندارې ته وړاندې شول او د ګډونوالو له خوا یې تود هرکلی وشو.
د نوښتګرو، ماهرو او متخصصو کارکوونکو روزل د تخنیکي او مسلکي زده کړو ادارې له مهمو موخو څخه دي.
د تخنیکي او مسلکي زده کړو په مرکزونو کې تر ۶۰٪ سلنې زیاتې زده کړې عملي دي. تر څو د دغو مرکزونو فارغان له فراغت وروسته په مستقیم ډول د کار په بازار کې جذب شي.
