په تودو سیمو کې د تخنیکي او مسلکي زده کړو په مرکزونو کې آزموینې پیل شوې
په تودو ولایتونو د تخنیکي او مسلکي زده کړو مرکزونو کې د ۱۴۰۲هجرې لمریز کال د لومړي سمسټر آزموینې پیل شوې.
د تخنيکي او مسلکي زده کړو اداره د تودو سيمو ښوونیزو مرکزونه د ننګرهار، نيمروز، فراه، بغلان، کندهار، هلمند او هرات په ګډون په اتو ولايتونو کې قرار لري.
په ورته وخت کې د ننګرهار ولايت تخنيکي آمر انجنير فضل الباري نصرت د دغه سمستر آزموينې له بهير څخه ليدنه وکړه . نوموړي د آزموینو له بهیر څخه د لیدنې پر مهال ټینګار وکړ، چې آزموینې باید د لایحې له مخې او په پوره روڼتیا سره ترسره شي.
په نورو تودو ولایتونو او سیمو کې د ۱۴۰۲ هجرې لمریز کال کې د لومړي سمسټر آزموینه پرون د مرغومي میاشتې په دویمه پیل شوې او ټاکل شوې چې د مرغومې میاشتې تر ۱۵مې به دوام وکړي.
